DÜNYA


Koronavirus Aİ-də iqtisadi artımı ləngidə bilər

Riqa, 15 fevral, AZƏRTAC

Koronavirus epidemiyası səbəbi ilə Çinin iqtisadi artım tempinin ləngiməsi böyük ehtimalla Avrozonada iqtisadi artım tempini 0,1-0,2 faiz aşağı salacaq.

AZƏRTAC Avropanın nüfuzlu “Euractiv” portalına istinadla xəbər verir ki, bu proqnoz “S&P Global” reytinq agentliyi tərəfindən verilib.

Portalda qeyd edilir ki, koronavirus onsuz da çətinlik çəkməkdə olan Avropa iqtisadiyyatına zərbə endirib. Avropa Komissiyası noyabr ayında Avropa İttifaqı və Avrozonada ÜDM-in artım göstəricisini müvafiq olaraq 1,4 faiz və 1,2 faizə endirib.

Avropa Komissiyası Brexit və ticarət savaşları da daxil olmaqla, vəziyyətin qeyri-sabitliyini və çoxsaylı riskləri nəzərə alaraq, üzv ölkələrə hər cür ssenarilərə hazır olmaları barədə xəbərdarlıq edib.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.