MƏDƏNİYYƏT


Latviya portalı Azərbaycanın “Eurovision-2019” mahnı müsabiqəsindəki təmsilçisindən yazıb

Riqa, 9 aprel, AZƏRTAC 

Latviyanın rus.tvnet.lv portalı Azərbaycanı “Eurovision-2019” mahnı müsabiqəsində təmsil edəcək Çingiz Mustafayev barədə yazıb.

AZƏRTAC portala istinadla xəbər verir ki, daha əvvəllər Albaniya, Avstraliya, Avstriya təmsilçiləri barədə yazan portalın budəfəki mövzusu azərbaycanlı ifaçı olub. Məqalədə Ç.Mustafayevin musiqi sahəsindəki uğurları, şəxsi həyatı barədə maraqlı faktlar və yarışmaya hazırlıq mərhələləri yer alıb.

Bildirilib ki, 28 yaşlı müğənni idmanla məşğul olur, sağlam həyat tərzi keçirir. Daha sonra onun qazandığı müsabiqələrin adları sadalanıb. Qeyd olunub ki, Çingiz “Eurovision-2011” üçün də seçim turlarında iştirak edib, lakin onda başqa iştirakçı seçilib. Bundan sonra Çingiz Yurmalada keçirilən “Yeni dalğa” festivalında Azərbaycanı təmsil edib.

Xatırladaq ki, Ç.Mustafayev Təl-Əvivdə keçiriləcək müsabiqədə “Truth” adlı mahnını ifa edəcək.

 

Aygün Əliyeva

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.