İQTİSADİYYAT


Maliyyə Bazarlarına Nəzarət Palatasının nümayəndələri ABŞ-da Maliyyə Xidmətləri Simpoziumunda iştirak edib

Bakı, 9 aprel, AZƏRTAC

Maliyyə Bazarlarına Nəzarət Palatasının nümayəndə heyəti ABŞ-ın "George Mason" Universitetinin Hüquq və İqtisadiyyat Mərkəzinin keçirdiyi İstehlak Ödənişləri və Maliyyə Akademiyası və 9-cu İllik Maliyyə Xidmətləri Simpoziumunda iştirak edib.

Palatanın mətbuat xidmətindən AZƏRTAC-a bildirilib ki, tədbirdə rəqəmsal ödənişlər və onun üstünlükləri, ödəniş kartları bazarı iqtisadiyyatı və tətbiq olunan xidmət haqları, maliyyə inklüzivliyində rəqəmsal ödənişlər, habelə innovativ ödəniş texnologiyaları, o cümlədən elektron pul, "fintech" və digər sahələr üzrə təcrübə mübadiləsi aparılıb.

Nümayəndə heyəti, həmçinin "Visa Inc." beynəlxalq kart təşkilatının ABŞ-da yerləşən və dünya üzrə dörd regional mərkəzdən biri olan "Visa Məlumat Mərkəzi"nin fəaliyyəti və iş prinsipi ilə tanış olub. Məlumat mərkəzində "Visa Inc." beynəlxalq kart təşkilatının korporativ strategiya və hökumətlə əlaqələr üzrə icraçı vitse-prezidenti Bill Şeedy ilə ölkədə ödəniş kartları bazarının cari vəziyyəti və aparılan islahatlar müzakirə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.