DÜNYA


“Meduza” festivalında faciə: bir nəfər həlak olub, daha 40 nəfər xəsarət alıb VİDEO

Madrid, 13 avqust, AZƏRTAC

Kulyerdə (Valensiya) “Meduza” festivalı zamanı güclü külək əsməsi nəticəsində əsas səhnənin müxtəlif konstruksiyaları, həmçinin meydançaya giriş yolu dağılıb. Nəticədə bir nəfər həlak olub, daha 40 nəfər müxtəlif dərəcəli xəsarətlər alıb.

AZƏRTAC xəbər verir ki, 112 təcili yardım xidmətinin məlumatına görə, zərərçəkənlərin hamısı xəstəxanalara yerləşdirilib.

Festivalın rəsmi proqramı cümə günü elektron musiqi konserti ilə başlanıb. Bazar ertəsinə qədər davam edəcək festivala təqribən 320 min tamaşaçı gəlməsi gözlənilir. Təşkilatçılar yanğın riskini nəzərə alaraq günün ikinci yarısında pirotexnikadan istifadə edilməsini dayandırıblar.

Faciəvi hadisə yerli vaxtla səhər saat 4 radələrində baş verib.

 
Nigar Cəfərli
AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.