Bakı, 8 iyun, AZƏRTAC

Meksikanın Kuernavaka şəhərində asma körpünün açılışı zamanı azı 25 nəfər xəsarət alıb. Körpünün bir hissəsi üzərindən insanlar keçən zaman dağılıb.

AZƏRTAC “El Pais” qəzetinə istinadla xəbər verir ki, bu yaxınlarda təmir olunmuş körpünün konstruksiyası qoparkən şəhərin meri və həyat yoldaşı onun üzərində olub. Hadisə nəticəsində onların da xəsarət aldığı bildirilir.

Şəhərin tibb xidmətinin məlumatına görə, xəsarət alan 12 nəfər xəstəxanaya yerləşdirilib, onlardan ikisinin vəziyyəti ağırdır. İnsidentdən bir neçə saat sonra antikorrupsiya prokurorluğu hadisə ilə bağlı araşdırmalara başlayıb.