İDMAN


Millimizin üzvü Şahruddin Məhəmmədəliyev seçmə mərhələdə ən çox qurtarış edən qapıçılar sırasında yer alıb

Bakı, 9 sentyabr, AZƏRTAC

UEFA dünya çempionatının seçmə mərhələsinin altıncı turunun oyunlarından sonra statistik göstəriciləri açıqlayıb.

AZƏRTAC xəbər verir ki, Azərbaycan millisinin üzvü Şahruddin Məhəmmədəliyev seçmə mərhələdə ən çox qurtarış edən qapıçılar sırasında yer alıb.

İyirmi yeddi yaşlı qolkiper meydana çıxdığı 5 oyunda 29 qurtarışla yadda qalıb. O, hazırda bu nominasiyada üçüncü pillədə qərarlaşıb. San-Marino millisinin üzvü Elia Benedettini 31 "seyv"lə birinci, Lixtenşteynin oyunçusu Benyamin Byuhel 30 qurtarışla ikinci sıradadır.

Qeyd edək ki, Azərbaycan millisi dünya çempionatının seçmə mərhələsi çərçivəsində sonuncu oyununda Bakı Olimpiya Stadionunda Portuqaliyaya 0:3 hesabı ilə uduzub.

AZƏRTAC—0—

(Sə.Q)

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.