REGİONLAR


Mingəçevirdə 14 nömrəli tam orta məktəbin binası əsaslı təmirdən sonra istifadəyə verilib

Mingəçevir, 5 yanvar, AZƏRTAC

Mingəçevirdə 14 nömrəli tam orta məktəbin binası əsaslı təmirdən sonra istifadəyə verilib.

AZƏRTAC-ın bölgə müxbiri xəbər verir ki, bu münasibətlə keçirilən tədbirdə iştirak edən şəhər icra hakimiyyətinin başçısı İlham İsmayılov əvvəlcə məktəbin foyesində ulu öndər Heydər Əliyev və Prezident İlham Əliyevin fəaliyyətlərindən bəhs edən sərgilərə baxıb.

Sonra məktəb binasında yaradılan şəraitlə tanışlıq olub. Kimya, fizika kabinələri və laboratoriyaları, kompüter otağı, ibtidai sinif otağı, kitabxana, yeməkxana, idman zalı və digər tədris sahələri müasir avadanlıqlarla təchiz edilib.

Müəllim və şagirdlərlə görüş zamanı İlham İsmayılov Prezident İlham Əliyevin və birinci xanım Mehriban Əliyevanın ölkə təhsilinin inkişafı məqsədilə gördüyü işlərdən danışıb, bilikli və vətənpərvər gənclərin yetişdirilməsində məktəbin kollektivinə uğurlar arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.