ELM VƏ TƏHSİL


Miqrasiya orqanlarına qəbul imtahanının nəticələri açıqlanıb

Bakı, 1 avqust, AZƏRTAC

Dövlət İmtahan Mərkəzi (DİM) və Dövlət Miqrasiya Xidmətinin Azərbaycan Respublikasının miqrasiya orqanlarına qulluğa qəbul olmaq istəyən namizədlər üçün iyulun 31-də keçirdiyi test imtahanın nəticələri açıqlanıb.

DİM-dən AZƏRTAC-a bildirilib ki, imtahan vermək üçün qeydiyyatdan keçmiş 357 nəfərdən 23-ü imtahana gəlməyib. Namizədlər imtahan nəticələri ilə DİM-in saytında tanış ola bilərlər.

İmtаhаndа nаmizədlərə 100 qapalı tipli test tapşırığı təqdim olunub. Onlardan 50-si qanunvericilik, 10-u Azərbaycan tarixi, 10-u Azərbaycan dili, 10-u kompüter bilikləri, 20-si isə məntiq üzrə olan test tapşırıqlarıdır. Hər sualın düzgün cavabı 1 (bir) bаllа qiymətləndirilib.

Test imtahanının nəticələrinə əsasən, 125 nəfər müsabiqə şərtini ödəyərək (70 və daha artıq bal toplayaraq) növbəti mərhələdə iştirak etmək hüququ qazanıb.

İmtahan nəticələri ilə bağlı Apellyasiya Komissiyası 2-4 avqust tarixlərində saat 14:00-dan 17:00-dək Dövlət İmtahan Mərkəzində fəaliyyət göstərəcək. Ünvan: Bakı şəhəri, Nəsimi rayonu, Akademik Həsən Əliyev küçəsi, 299.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.