DÜNYA


Misir arxeoloqları Asuanda içərisində yaxşı vəziyyətdə qalmış mumiya olan sərdaba aşkarlayıblar

Qahirə, 19 sentyabr, AZƏRTAC 

Misirin Tarixi Abidələr Nazirliyinin arxeoloji missiyası Asuan əyaləti yaxınlığında içərisində sonrakı dövrə aid mumiya olan qumdaşından hazırlanmış məqbərə tapıblar.

AZƏRTAC xəbər verir ki, tapıntı Aqa-Xan mavzoleyi yaxınlığında yerləşən arxeoloji sahədə aşkarlanıb. Ekspertlərin sözlərinə görə, mumiya yaxşı vəziyyətdə qalıb. Tarixi Abidələr Ali Şurasının baş katibi Mustafa Vəziri bəyan edib ki, meyitin tanınması üçün tamamlayıcı tədqiqatların aparılması vacibdir.

Bildirilir ki, arxeoloji missiya, həmçinin sonrakı dövrə (e. ə. 664-332-cü illər) aid edilən, divarları Anubis, İsida və Xatxor kimi tanınmış qədim Misir allahlarının iştirak etdiyi səhnələrlə bəzədilmiş məqbərə tapıb. Bunlarla yanaşı, daş məqbərələrə aid xeyli rəngli fraqmentlər və heroqlif mətnli taxta tabutun qalıqları, böcək şəklində həmayillər, Qora allahının taxta heykəlciyi və hələ ki kimə aid olduğu müəyyən edilməmiş heykəlin baş hissəsi tapılıb.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.