İDMAN


Moskvada yuniorlar arasında Bədii gimnastika üzrə dünya birinciliyinin açılış mərasimi keçirilib

Moskva, 19 iyul, AZƏRTAC

İyulun 19-da Azərbaycanın Rusiyadakı səfiri Polad Bülbüloğlu Rusiya Bədii Gimnastika Federasiyasının prezidenti İrina Viner-Usmanovanın şəxsi dəvəti ilə yuniorlar arasında bədii gimnastika üzrə dünya birinciliyinin açılış mərasimində iştirak edib.

Səfirlikdən AZƏRTAC-a bildiriblər ki, Rusiyanın İdman və Gənclər Siyasəti Naziri Olqa Qolodets Prezident Vladimir Putinin tədbir iştirakçılarına ünvanlandığı məktubu oxuyub.

Dünyanın 62 yığma komandasının, o cümlədən Azərbaycan gimnastlarının qatıldığı çempionatın açılışında Moskva şəhərinin meri Sergey Sobyanin, Rusiyanın Bədii Gimnastika Federasiyasının prezidenti İrina Viner-Usmanova və Beynəlxalq Olimpiya Komitəsinin Yaponiyadan olan nümayəndəsi Morinari Vatanabe çıxış ediblər.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.