ELM VƏ TƏHSİL


Muzeyin fonduna etnoqrafik eksponatlar daxil edilib

Bakı, 18 fevral, AZƏRTAC

Azərbaycan Milli Elmlər Akademiyasının Milli Azərbaycan Tarixi Muzeyinin etnoqrafiya elmi-fond şöbəsinin müdiri, dosent Gülzadə Abdulova tərəfindən bu müəssisəyə dini ziyarət daşları təqdim olunub.

Muzeydən AZƏRTAC-a bildiriblər ki, alimin Quba rayonunun Xınalıq kəndinə etnoqrafik səfəri zamanı əldə etdiyi bu ziyarət daşları öz spesifik görünüşü ilə diqqəti cəlb edir. Onlardan biri qədim tarixi özündə əks etdirən məkanlarımızdan olan Xınalığın dəniz səviyyəsindən 5 min metr yüksəkliyində yerləşmiş Qızılqaya zirvəsinə aiddir. Açıq qəhvəyi rəngli sınıq daşın (6x4x7x7 sm) özünəməxsusluğu ondan ibarətdir ki, dəniz səviyyəsindən minlərlə metr yüksəklikdə tapılmasına baxmayaraq, bu daşın bir tərəfində balıqqulağı izləri hələ də qalmaqdadır.

Digər ziyarət daşları isə dairəvi (çevrəsi-21sm) və yarımşar (diametri - 6 sm) formadadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.