NATO-nun Baş katibi: İran Rusiyaya silah verməyə son qoymalıdır

Bakı, 30 noyabr, AZƏRTAC

İran və ya digər başqa ölkələr Ukraynaya qarşı müharibədə Rusiyaya silah-sursat verilməsinə son qoymalıdır.

AZƏRTAC xarici KİV-lərə istinadla bildirir ki, bu barədə Alyansın baş katibi Yens Stoltenberq Buxarestdə təşkilata üzv ölkələrin xarici işlər nazirlərinin toplantısında bildirib.

Baş katib deyib ki, İran və ya heç bir başqa ölkə Rusiyaya raketlər, pilotsuz uçuş aparatları və ya hər hansı digər hərbi vasitələr verməməlidir.