CƏMİYYƏT


“Narkotik sərhədsiz fəlakətdir” adlı yeni sosial çarx hazırlanıb

Bakı, 12 oktyabr, AZƏRTAC

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın həyata keçirilməsi üzrə Tədbirlər Planının 4.4.38-ci bəndinə müvafiq olaraq, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu tərəfindən “Narkotik sərhədsiz fəlakətdir” adlı sosial çarx hazırlanıb.

Dövlət Komissiyasının İşçi Qrupundan AZƏRTAC-a bildiriblər ki, sosial rolikdə ailədaxili münasibətlər kontekstində valideyn nəzarətsizliyinin narkotik vasitələrdən istifadədə rolu təsvir edilib. Videoçarxda “Ailəmizə və övladlarımıza dəyər verək! Narkotik sərhədsiz fəlakətdir” xəbərdaredici şüarları da yer alıb.

Mövcud şəraitə uyğun olaraq gələcəkdə videoçarxın kütləvi informasiya vasitələrində və sosial şəbəkələrdə işıqlandırılması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.