SİYASƏT


Niderland jurnalı Qarabağda aparılan yenidənqurma işlərindən yazıb

Haaqa, 26 oktyabr, AZƏRTAC

Niderlandın “Trouw” jurnalında Qarabağda müharibə zamanı Azərbaycanın azad etdiyi rayonlarda “Ağıllı kəndlər”in tikintisinə başlanılmasına dair məqalə dərc olunub.

AZƏRTAC xəbər verir ki, məqalədə müharibədən sonra Azərbaycan Prezidenti İlham Əliyevin Sərəncamı ilə Qarabağda yenidənqurma işlərinin başlamasından bəhs edilib. Bildirilib ki, bir il əvvəl baş verən dağıdıcı müharibə meydanında indi sakitlik bərpa olunub. İşğaldan azad edilmiş torpaqlarımızda hər cür texniki vasitələrlə təchiz olunmuş “Ağıllı kənd və şəhərlər”in tikintisinə başlanılıb. Eyni zamanda, azad edilmiş rayonlarda kənd təsərrüfatının inkişafından söz açılıb.

Bildirilib ki, yenidənqurma layihəsinin əsas məqsədi kənd və şəhər arasındakı fərqi azaltmaq və kəndlərdə həyat şəraitini yaxşılaşdırmaqdır.

Diqqətə çatdırılır ki, Azərbaycan Prezidenti azad edilmiş ərazilərin cənnətə çevriləcəyini bəyan edib. Bildirib ki, Azərbaycan hökuməti bu il azad edilmiş ərazilərin bərpası üçün 1,3 milyard avro ayırıb. Zəngilan rayonunda inşa olunan iki “Ağıllı kənd” isə gələn ilin sonunadək istifadəyə veriləcək.

Şəhla Ağalarova

AZƏRTAC-ın xüsusi müxbiri

Haaqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.