Ağdam, 25 may, Gülay Nəzərova, AZƏRTAC

Artıq üçüncü dəfədir Qarabağdayam və burada olmaqdan çox məmnunam.

AZƏRTAC xəbər verir ki, bunu Ağdamda jurnalistlərə açıqlamasında niderlandlı yazıçı, Qarabağdan bəhs edən kitabın müəllifi Henri Van Rens deyib.

"Təxminən 400-420 səhifədən ibarət kitabı ərsəyə gətirməkdən çox məmnunam. Çünki bu, Birinci və İkinci Qarabağ müharibəsinin qurbanı olmuş insanların valideynlərinə, uşaqlarına hədiyyədir", - deyə müəllif sözlərinə əlavə edib.

Konfrans haqqında təəssüratlarını bölüşən niderlandlı yazıçı deyib: “Hesab edirəm ki, konfrans çox faydalıdır. 51 ölkədən 200-ə yaxın insan bura toplanıb. Ümid edirəm ki, bir gün Niderland hökuməti Xocalıda baş verənləri soyqırımı olaraq tanıyacaq”.