MƏDƏNİYYƏT


Növbəti auksion üçün əsərlərin qəbuluna start verilir

Bakı, 25 sentyabr, AZƏRTAC

Mədəniyyət Nazirliyi, “Auction Baku” MMC şirkəti və Azərbaycan Dövlət Rəsm Qalereyasının təşkilatçılığı ilə növbəti auksion üçün əsərlərin qəbuluna start verilir.

Auksion Mədəniyyət Nazirliyinin patronajlığı altında Azərbaycan Dövlət Rəsm Qalereyası tərəfindən respublikada mədəniyyət və incəsənət sahəsində biznes münasibətlərini yaratmaq, alıcı və satıcılar arasında əlaqə qurmaq, art biznes sahəsində rəqabət qabiliyyətliyinin gücləndirilmək məqsədilə həyata keçirilir.

Nazirlikdən AZƏRTAC-a bildirilib ki, tədbirdə əntiq əşyaların, qədimi mebellərin, musiqi alətlərinin, saatların, zərgərlik məmulatlarının, xalça və xalçaçılıq məmulatlarının, nadir şərabların ixtisaslaşdırılmış auksionu nəzərdə tutulur.

Xatırladaq ki, “Auksion Baku”da qeydiyyat iki cür aparılacaq. Auksionlar və müsabiqələr açıq və qapalı ola bilər. Açıq auksionda və açıq müsabiqədə istənilən şəxs iştirak edə bilər. Qapalı auksionda və qapalı müsabiqədə yalnız bu məqsəd üçün dəvət olunan şəxslər iştirak edirlər.

Auksionda iştirak etmək istəyənlər öz iştiraklarını qeyd olunan (almaq üçün- [email protected] ; satmaq üçün- [email protected] ) e-mail ünvanlara yollamaqla təsdiq etdikdən sonra necə almalı? necə satmalı? necə iştirak etməli? kimi suallara cavablar həmin şəxslərin e-mail ünvanlarına göndəriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.