QAN YADDAŞI


Nübar Novruzova: Şəhidlərimizin əziz xatirəsi daim hörmətlə anılacaq

Bakı, 20 yanvar, Pərvanə Rəhimova, AZƏRTAC

Şəhidlərimizin əziz xatirəsi daim hörmətlə anılacaq.

Bu sözləri yanvarın 20-də Şəhidlər xiyabanına ziyarətə gələn Xalq artisti Nübar Novruzova AZƏRTAC-a müsahibəsində deyib.

“20 Yanvar faciəsi baş verən illərində mən tələbə olmuşam və o günləri yaxşı xatırlayıram. Yanvarın 20-si eşitdim ki, tanklar bacımın yaşadığı evi gülləyə tutub və ailəmdən xəbər öyrənmək üçün küçəyə çıxdım. O dövrdə “Xəzər” kinoteatrının yaxınlığında tanklar dayanmışdı, yerlərdə şəhidlərimizin cəsədləri var idi. Mən hələ də inana bilmirəm ki, o canilər məni sağ buraxdı. O illər çox ağlayırdım ki, xalqımız belə faciə ilə üzləşdi, lakin bu günləri görüb deyirəm ki, biz çox xoşbəxt xalqıq ki, belə qəhrəman oğullarımız var”, - deyə N.Novruzova bildirib.

Xalq artisti 20 Yanvar hadisələrində tanıdığı və qohumları arasında da şəhidlərin çox olduğunu deyib: “Azərbaycan xalqı çox qəhrəman xalqdır. Bu gün burada toplaşan insanlar bir daha sübüt edir ki, şəhidlərimizin əziz xatirəsi daim hörmətlə anılacaq. Allah onlara rəhmət eləsin”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.