İQTİSADİYYAT


OPEC: Gələn il qlobal neft tələbatı artacaq

Bakı, 13 dekabr, Nihad Budaqov, AZƏRTAC 

2018-ci ildə qlobal neft tələbatı artacaq.

AZƏRTAC xəbər verir ki, bu barədə Neft İxrac edən Ölkələr Təşkilatının (OPEC) aylıq hesabatında deyilir. Bildirilir ki, noyabr ayında qlobal neft təklifi əvvəlki aya nisbətən 840 min barrel artaraq gündəlik 97 milyon 440 min barrelə yüksəlib. Ötən ay qeyri-OPEC ölkələrində neft hasilatı isə 810 min barrel artaraq gündəlik 57 milyon 820 min barrelə çatıb.

OPEC-in proqnozuna görə, gələn il qlobal neft tələbatı bu illə müqayisədə 1 milyon 510 min barrel artaraq gündəlik 98 milyon 450 min barrelə çatacaq. 2018-ci ildə OPEC-in neft tələbatı isə bu ilə görə 300 min barrel artaraq gündəlik 33 milyon 200 min barrel təşkil edəcək.

Gələn il qeyri-OPEC ölkələrinin neft təklifi 990 min barrel artaraq gündəlik 58 milyon 810 min barrelə çatacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.