Bakı, 2 iyun, AZƏRTAC

Azərbaycan nəqliyyat dəhlizləri (Şimal-Cənub, Şərq-Qərb) üzrə yükdaşımaların ümumi həcmini 54 milyon tona çatdıra bilər.

AZƏRTAC xəbər verir ki, bunu “Azərbaycan Dəmir Yolları” QSC-nin sədr müşaviri Emil Məmmədov deyib.

O qeyd edib ki, Azərbaycanın coğrafi mövqeyi buna imkan verir. “Dəhlizlərin inkişafı üzrə ADY töhfəsini verir. Orta Dəhliz üzrə tariflərin dəyişməz qalması üçün digər dəhliz iştirakçıları ilə mütəmadi danışıqlar aparılır. Razılaşmalar əldə edilir ki, qiymətlər stabil, tariflər dəyişməz olaraq qalsın”, - deyə sədr müşaviri bildirib.