İDMAN
Otmar Safnauer: Bakıdakı podium komandanı daha da ruhlandırdı
Bakı, 30 aprel, AZƏRTAC
Serxio Peres “Force India” üçün lazım olan xalları toplayaraq, Bakıda podiuma qalxdı. Esteban Okon isə Kimi Raykkonenlə startda baş verən insidentdən sonra distansiyadan çıxdı.
AZƏRTAC-ın məlumatına görə, Serxio Peres çox sevindiyini, yürüşün hadisələrlə zəngin olduğunu qeyd edib. Hər şey birinci dövrədəki insidentdən, mənim “Williams”ın pilotu Sergey Sirotkindən aldığım zərbə ilə başladı. Bu səbəbdən mən Kimi Raykkonenə çırpıldım və bolidin ön hissəsi zədələndi, boksa getməli oldum. Mən axırıncı sıralarda idim, sonra da 5 saniyəlik cərimə aldım. Pelotondan keçməyi və bundan sonra mövqeyimi qorumağı bacardım.
Komanda pit-stopu çox gözəl yerini yetirdi, mən cəriməmi çəkdim və trasa Qrojandan əvvəl qayıtdım. Təkərlərimi qoruyurdum, çünki bizdə təkcə “SuperSoft”lar qalmışdı, onları da qızdırmaq çox mürəkkəbdir. Daha sonra irəlidəki maşınların da problemləri olduğunu gördüm.
Fetteli ötüb keçsəm də, o, mübarizəyə qayıtdı və məni sıxışdırdı. Son iki dövrədə mənə var gücümü ortaya qoymaq lazım idi. Deyərdim, bu iki dövrə həyatımda ən yaxşıları idi. Bu podium mənim üçün çox şeydir, mən özümlə, ailəmlə, komandamla və Meksika ilə fəxr edirəm”.
“Force India”nın əməliyyat direktoru Otmar Safnauer deyib: “Serxionu və komandanı Formula 1 Azərbaycan Qran-Prisində fantastik podium münasibətilə səmimi qəlbdən təbrik edirəm. Bütün uik-end boyunca maşın sürətli idi, potensialımızdan istifadə edib xeyli xal qazanmaq çox xoşdur.
Serxio yürüşü əla yerinə yetirdi, birinci dövrədə aldığı zərbələrdən sonra uduzduqlarını qaytarmağı və finişə 3 dövrə qalmış Fettelin əlindən podiumu almağı bacardı. O, bizim bütün dediklərimizi icra edirdi. Mövqe düz alındı və hətta 5 saniyəlik cəriməni də geri qaytarmağa kömək oldu. Bu, komandanın gərgin əməyinin bəhrəsi idi. Mövsümün çətin başlanğıcından və bir neçə yürüşdən sonra bu, daha çox zövq verdi.
Təəssüf ki, Esteban elə birinci dövrədə, Raykkonenlə insidentdən sonra mübarizəni dayandırdı. O da xal qazana bilərdi. Bu nəticə komandanı Avropaya qayıtmazdan əvvəl daha da ruhlandırdı. Maşını daha sürətli etmək cəhdimiz isə son aylarda hansı uğurlara nail olmağımızı göstərdi”.