DÜNYA


Özbək arxeoloqları İslamdan əvvəlki dövrə aid nadir panno tapıblar

Daşkənd, 16 aprel, АZƏRTAC

Özbəkistan Elmlər Akademiyası mətbuat xidmətinin yaydığı məlumata görə, özbək arxeoloqları Səmərqənd vilayətində qazıntılar zamanı zərdüştilik dövrünə aid çoxpersonajlı nadir panno aşkar ediblər.

AZƏRTAC xəbər verir ki, panno ağac üzərində oyulub və bu tapıntı Orta Asiyanın arxeologiya tarixində ilkdir və dünya əhəmiyyətli nadir sənət nümunəsidir.

Ölçüsü 124х141 santimetr olan panno bir-birinə dəmirlə bərkidilmiş iki enli taxta parçasından ibarətdir. Pannoda dörd sıra ilə insan fiqurlarından kompozisiya təsvir edilib. Pannoda 46 fiqur var və kompozisiyanın əsas süjeti şir şəklində olan taxt üzərində oturan, Zərdüştilik dövrünə aid bütə təzim edən və ona hədiyyələr gətirən insanlardan ibarətdir.

Aşağı sırada musiqiçilər, hədiyyə gətirən və diz çökən adamlar təsvir olunub.

Mərkəzdə isə mehrab qarşısında iki insan fiquru yer alıb.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.