CƏMİYYƏT


Penitensiar Xidmətin əsgərləri arasında breyn-rinq və stolüstü oyunlar üzrə yarışlar keçirilib

Bakı, 19 sentyabr, AZƏRTAC 

Ədliyyə Nazirliyinin Penitensiar Xidməti ilə Bakı Şəhər Gənclər və İdman Baş İdarəsinin (BŞGİBİ) birgə tədbirlər planına müvafiq olaraq, xidmətin Mühafizə alayının 2-ci atıcı bölüyündə əsgərlər arasında breyn–rinq, şahmat və dama üzrə yarışların zona mərhələləri keçirilib.

BŞGİBİ-dən AZƏRTAC-a bildiriblər ki, 2019-cu ilin ölkəmizdə “Nəsimi ili” elan olunması ilə əlaqədar Mühafizə alayının 2-ci, 3-cü, 9-cu və 18-ci atıcı bölüklərinin əsgərləri arasında Nəsiminin anadan olmasının 650 illiyinə həsr edilən breyn–rinq bilik yarışının, o cümlədən şahmat və dama turnirlərinin zona mərhələsinin açılışında çıxış edənlər şəxsi heyətin asudə vaxtının səmərəli təşkili, onların vətənpərvərlik ruhunda tərbiyəsi və idmana maraqlarının artırılması sahəsində belə yarışların əhəmiyyətini vurğulayıblar.

Olimpiya sistemi üzrə keçirilən yarışların qalibləri Baş İdarə tərəfindən müvafiq dərəcəli diplomlarla təltif olunublar.

Yarışların bağlanış mərasimində Mühafizə alayının komandir müavini, ədliyyə polkovnik–leytenantı Əfqan Nəbiyev belə tədbir və yarışların təşkilinə görə minnətdarlığını bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.