RƏSMİ SƏNƏDLƏR
QƏTƏR DÖVLƏTİNİN ƏMİRİ ƏLAHƏZRƏT ŞEYX HƏMƏD BİN XƏLİFƏ AL TANİYƏ
Əlahəzrət,
Qətər Dövlətinin milli bayramı - Müstəqillik günü münasibətilə Sizə və Sizin simanızda bütün xalqınıza şəxsən öz adımdan və Azərbaycan xalqı adından ən səmimi təbriklərimizi yetirirəm.
Ölkənizə səfərimi, Sizinlə görüşümüzü, söhbətlərimizi məmnunluqla xatırlayıram. Əminəm ki, dost ölkələrimiz arasında qarşılıqlı maraq doğuran əməkdaşlığın hərtərəfli inkişafı üçün səylərimizi bundan sonra da əzmlə davam etdirəcəyik.
Bu əlamətdar gündə Sizə möhkəm cansağlığı, işlərinizdə uğurlar, dost Qətər xalqına xoşbəxtlik və firavanlıq diləyirəm.
Hörmətlə,
İlham Əliyev
Azərbaycan Respublikasının Prezidenti
Bakı, 22 avqust 2005-ci il.