RƏSMİ SƏNƏDLƏR
QIRĞIZISTAN RESPUBLİKASININ PREZİDENTİ ZATİ-ALİLƏRİ CƏNAB ƏSGƏR AKAYEVƏ
Hörmətli Əsgər Akayeviç,
Qırgızıstanın milli bayramı – Müstəqillik günü münasibətilə Sizi və xalqınızı ürəkdən təbrik edirəm.
Keçid dövrünün çətin şəraitində Qırgızıstan Sizin rəhbərliyinizlə öz müstəqilliyini və suverenliyini möhkəmləndirərək, siyasi və iqtisadi dəyişikliklərin həyata keçirilməsində, hüquqi, demokratik dövlət quruculuğunda mühüm uğurlar qazanmışdır.
Əminəm ki, Azərbaycan ilə Qırğızıstan arasındakı ənənəvi dostluq və əməkdaşlıq telləri xalqlarımızın rifahı, sülh və tərəqqi naminə bundan sonra da möhkəmlənəcəkdir.
Möhtərəm Əsgər Akayeviç, Sizə möhkəm cansağlığı, xoşbəxtlik, uğurlar, Qırğızıstan xalqına isə sülh və firavanlıq arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 20 avqust 2002-ci il