İDMAN
“Qarabağ” səfərdə “Turan Tovuz”a qalib gəlib
Bakı, 25 yanvar, AZƏRTAC
Futbol üzrə Azərbaycan Premyer Liqasında 19-cu turun növbəti matçı keçirilib.
AZƏRTAC xəbər verir ki, günün ilk matçında “Qarabağ” Tovuz səfərində “Turan”la qarşılaşıb.
Oyun “Qarabağ”ın 3:2 hesablı qələbəsi ilə yekunlaşıb.
Matçda hesabı “Qarabağ” açıb. Onuncu dəqiqədə fərqlənən Musa Qurbanlının qoluna rəqib komandadan 23-cü dəqiqədə Runi Eva cavab verib. Cəmi 4 dəqiqə sonra Ramil Şeydayev yenidən “Qarabağ”ın üstünlüyünü təmin edib. Matçın sonunda daha 2 qol vurulub. Oyunun 85-ci dəqiqəsində “Turan Tovuz”dan Ehtiram Şahverdiyev hesabı bərabərləşdirib. Qarşılaşmanın 89-cu dəqiqəsində isə Bəhlul Mustafazadə fərqlənərək görüşün yekun nəticəsini müəyyənləşdirib.
Xallarının sayını 53-ə çatdıran “Qarabağ” turnir cədvəlində ilk pillədəki mövqeyini qoruyub. “Turan Tovuz” isə 17 xalla 6-cı pillədə qərarlaşıb.
Qeyd edək ki, günün növbəti matçında “Zirə” öz meydanında “Sumqayıt”ı qəbul edəcək.