İQTİSADİYYAT


Qida Təhlükəsizliyi Agentliyi beynəlxalq əlaqələrini genişləndirir

Bakı, 11 iyun, AZƏRTAC

Qida Təhlükəsizliyi Agentliyinin (AQTA) əməkdaşları və qida sahəsində fəaliyyət göstərən özəl şirkətlərin nümayəndələrindən ibarət işçi qrup Ümumdünya Heyvan Sağlamlığı Təşkilatının (ÜHST) Avropa üzrə nümayəndəsi xanım Nadej Lebusk ilə Brüsseldə görüş keçirib.

Qida Təhlükəsizliyi Agentliyinin Kommunikasiya və İnformasiya Texnologiyaları şöbəsindən AZƏRTAC-a bildiriblər ki, görüş zamanı ÜHST nümayəndəsinə agentliyin fəaliyyət istiqamətləri haqqında ətraflı məlumat verilib. Heyvan sağlamlığı və qida təhlükəsizliyinə nəzarət üzrə ÜHST-nin roluna dair fikir mübadiləsi aparılıb, mövcud vəziyyət müzakirə olunub.

Xatırladaq ki, ÜHST 1920-ci ildə Belçikada iribuynuzlu qaramalda taun xəstəliyinin baş verməsindən sonra 25 yanvar 1924-cü ildə Parisdə yaradılıb. Ümumdünya Ticarət Təşkilatı (ÜTT) ÜHST-ni zoonoz xəstəlikləri də daxil olmaqla heyvan sağlamlığına dair beynəlxalq standartları müəyyən edən istinad təşkilatı kimi tanıyır. Hazırda təşkilata 182 ölkə üzvdür. Ölkəmiz bu təşkilata 1995-ci ildən etibarən üzvlüyə qəbul edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.