REGİONLAR


Qida Təhlükəsizliyi Agentliyinin əməkdaşları pambıq istehsalçıları ilə görüş keçirib

Bakı, 4 iyul, AZƏRTAC

Qida Təhlükəsizliyi Agentliyinin əməkdaşları iyulun 4-də yerli və xarici şirkətlərin nümayəndələri ilə birgə Beyləqan rayonunda yerləşən pambıq sahəsinə baxış keçiriblər.

Agentliyin Kommunikasiya və informasiya texnologiyaları şöbəsindən AZƏRTAC-a bildiriblər ki, qurumun Fitosanitar nəzarəti şöbəsinin müdiri X.Dadaşova pambıq istehsalı ilə məşğul olanlara sanitar-gigiyena normaları və təhlükəsizlik texnikası qaydaları barədə ətraflı məlumat verib, pestisidlərin istehsalı, daşınması, istifadəsi, texniki təhlükəsizlik qaydaları və təlimata riayət edilməsinin vacibliyindən danışıb. Bildirib ki, pestisidlərlə iş zamanı təhlükəsizlik məsələlərinə və ətraf mühitin qorunmasına xüsusi diqqət yetirilməli, ağır zəhmət tələb edən işlər maksimum mexanikləşdirilməli və avtomatlaşdırılmalı, preparatların tətbiqində ən qabaqcıl texnologiyalar tətbiq olunmalıdır.

Agentliyin Təftiş və dövlət nəzarəti şöbəsinin əməkdaşları isə preparatlardan istifadə zamanı onun tətbiq qaydaları, xüsusiyyətləri, toksiklik dərəcəsi, məhdudlaşdırıcı hallar barədə məlumat veriblər.

Görüşün sonunda sahibkarları maraqlandıran suallar cavablandırılıb, pestisidlərdən istifadə zamanı təhlükəsizlik qaydalarına dair təlimatlar təsərrüfat rəhbərlərinə və pambıq sahəsində çalışan işçilərə paylanılıb.

Qeyd edək ki, Qida Təhlükəsizliyi Agentliyi pambıqçılıq təsərrüfatlarında çalışan işçilərin təhlükəsizliyinin qorunması, pestisidlər, aqrokimyəvi maddələr və digər bitki mühafizə vasitələrindən düzgün istifadə qaydalarının təşviqi ilə bağlı regionlarda maarifləndirici görüşlər keçirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.