CƏMİYYƏT


“Qırmızı kitab”a salınmış bitki növünün çoxaldılmasına başlanılıb

Bakı, 7 oktyabr, AZƏRTAC

Azərbaycanın nadir bitkilərindən olan saqqız ağacının (yabanı püstə) Meşələrin İnkişafı Xidmətinin Regional Tinglik Mərkəzlərində çoxaldılması işlərinə başlanılıb.

Meşələrin İnkişafı Xidmətinin rəsmisi Vahid Fərzəliyev AZƏRTAC-a bildirib ki, adı “Qırmızı kitaba” salınmış həmin nadir bitki növündən Qarabağ düzündə, xüsusilə də Sultanbud meşəsinin bərpasında geniş istifadə ediləcək: “Saqqız ağacı Azərbaycanda yabanı halda yayılan növ olub, üçüncü dövrün ən qiymətli relikt ağaclarından biridir. Respublikamızın meşə ərazilərində bu ağaclara az rast gəlinsə də, onun coğrafi arealı genişdir”.

V.Fərzəliyevin sözlərinə görə, meşə ərazilərində təbii bərpaya kömək məqsədilə meşə fondu torpaqlarının seyrək sahələrində saqqız ağacı tingləri əkiləcək və toxumları səpiləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.