RƏSMİ SƏNƏDLƏR
RUSİYA TİBB ELMLƏRİ AKADEMİYASININ HƏQİQİ ÜZVÜ ARKADİ PAVLOVİÇ NESTEROVA
Hörmətli Arkadi Pavloviç!
Sizi, tibb elminin və səhiyyənin görkəmli xadimlərindən birini 80 illik yubileyiniz münasibətilə təbrik edir, Sizə möhkəm cansağlığı və firavanlıq arzulayıram.
Siz öz elmi və əməli fəaliyyətinizlə müasir dövrdə oftalmologiyanın inkişafına sanballı töhfə vermisiniz. Sizin göz xəstəliklərinin aktual problemlərinə həsr olunmuş, SSRİ-nin və Rusiyanın Dövlət mükafatlarına layiq görülmüş fundamental əsərləriniz Rusiya elminin şöhrətini artıraraq, dünyada geniş nüfuz qazanmışdır.
Uzun müddətdir ki, Sizi respublikamızda tibb elminin görkəmli nümayəndələri ilə sıx dostluq və əməkdaşlıq telləri bağlayır. Ümidvaram ki, Siz Azərbaycan və Rusiya oftalmoloqları arasında əməkdaşlığın möhkəmlənməsinə və genişlənməsinə bundan sonra da kömək edəcəksiniz.
Sizə uzun ömür arzulayıram.
Dərin hörmətlə,
Heydər Əliyev
Azərbaycan Respublikasının Prezidenti
Bakı şəhəri, 19 iyun 2003-cü il.