DÜNYA


Rusiya Bankı 2014-cü ildən bəri ilk dəfə olaraq əsas faiz dərəcəsini artırıb

Bakı, 14 sentyabr, AZƏRTAC

Rusiya Bankı əsas faiz dərəcəsini 0,25 faiz bənddən 7,5 faizədək artırmaq barədə qərar qəbul edib.

AZƏRTAC RİA Novosti agentliyinə istinadla xəbər verir ki, son 4 il ərzində bu, ilk dəfədir baş verir. 2014-cü ildən bu göstərici yalnız azalırdı. Bu il Rusiyanın Mərkəzi Bankı da əsas faiz dərəcəsini iki dəfə - fevral və mart aylarında 0,25 faiz bəndi azaldıb, sonra isə fasilə götürüb.

İyun ayında tənzimləyicinin rəhbəri Elvira Nabiullina bəyan edib ki, neytral pul-kredit siyasətinə keçid ehtimalı artıq 2018-ci ildə çox azalıb və indi o, 2019-cu ildə gözlənilir. Məqsədli inflyasiya zamanı 4 faizli neytral əsas faiz dərəcəsini Mərkəzi Bank 6-7 faiz, yəni targetdən 2-3 faiz bəndi yuxarı dəyərləndirib.

Rusiya Bankı əsas faiz dərəcəsini pul-kredit siyasətinin aləti kimi 2013-cü il sentyabrın 13-də tətbiq edib. Bu, inflyasiyanın targetləşdirilməsi rejiminə keçid çərçivəsində aşkarlığın artırılması məqsədi ilə həyata keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.