DÜNYA


Rusiyanın Mərkəzi Bankı rekord həcmdə qızıl alıb

Bakı, 2 noyabr, AZƏRTAC

Rusiyanın Mərkəzi Bankı 2018-ci ilin üçüncü rübündə 92,2 ton qızıl alıb ki, bu da üç ay ərzində satın alınan rekord həcmdə qiymətli metal deməkdir.

AZƏRTAC TASS informasiya agentliyinə istinadla xəbər verir ki, bu barədə məlumat Dünya Qızıl Şurasının (World Gold Council) icmalında yer alıb. Nəticədə Rusiyanın qızıl ehtiyatı tarixdə ilk dəfə 2 min tonu keçib. Bu, ölkənin ümumi ehtiyatının 17 faizinə bərabərdir.

Təşkilatın məlumatına əsasən, qızıl alınması dollar aktivlərinin satılması fonunda baş verir.

Müxtəlif ölkələrin mərkəzi bankları ilin üçüncü rübündə ümumilikdə 148,4 ton qızıl əldə edib ki, bu da bir il öncəki göstərici ilə müqayisədə 22 faiz çoxdur. Rusiyadan başqa, qızılın əsas alıcıları sırasında Türkiyə və Qazaxıstanın mərkəzi bankları da var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.