SAHİBKAR QADINLAR TƏLİM KURSU KEÇMİŞLƏR
ATƏT-in Bakı ofisinin maliyyə dəstəyi ilə Müstəqil Elmi-Praktik Hüquq Mərkəzi İmişli rayonunda sahibkar və sahibkarlıqla məşğul olmaq istəyən qadınlar üçün təlim kursları keçirmişdir.
Mərkəzdən AZƏRTAC-a bildirmişlər ki, kurslarda sahibkarlığın əhəmiyyəti, problemləri, perspektivləri, mühasibat uçotunun aparılması, sənədləşdirmə, yoxlama və nəzarət, vergi münasibətləri, onların tənzimlənmə mexanizmi, sahibkarlığın hüquqi müdafiə mexanizmləri, formaları və s. mövzular barədə ətraflı məlumat verilmişdir. İştirakçılara sahibkarlıq fəaliyyəti ilə bağlı metodiki vəsait, kitabçalar, gündəlik işdə istifadəsi zəruri olan materiallar paylanmışdır.
Kurslarda regionda sahibkarlıqla məşğul olan 21 qadın iştirak etmişdir. Sonda iştirakçılara sertifikatlar verilmişdir.