CƏMİYYƏT


SOCAR-ın Gürcüstandakı şirkətləri Borjomi Milli Parkında müxtəlif növ ağac əkiblər

Bakı, 19 avqust, AZƏRTAC

SOCAR-ın Gürcüstandakı aktivi olan “Kulevi” neft terminalı tərəfindən Borjomi Milli Parkında müxtəlif növ ağac əkilib.

AZƏRTAC terminalın saytına istinadla xəbər verir ki, Kulevi Gürcüstanda Biznes İnformasiya Agentliyi (BIA) və “Treepex” startapı tərəfindən keçirilən yeni bir kampaniyaya qoşulub. Kampaniyanın məqsədi Borjomi Milli Parkını tamamilə bərpa etməkdir. Ötən dövrdə parkda 950 hektar sahə zədələnib, 250 hektar isə tamamilə məhv olub. Növbəti 5 ildə burada 750 min ağaca müxtəlif arqotexniki xidmətlərin göstərilməsi planlaşdırılır.

Hazırda Kulevi neft terminalı və SOCAR-ın Gürcüstandakı digər şirkətləri bu yaşıllaşdırma layihəsi çərçivəsində 1000 ağac əkiblər. Yaxın gələcəkdə daha çox şirkət bu təşəbbüsə qoşulacaq.

Qeyd edək ki, Kulevi neft terminalı və limanı 2008-ci ilin mayında istismara verilib. Bir ay sonra limana ilk tanker yan alıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.