RƏSMİ SƏNƏDLƏR
SUMQAYIT ŞƏHƏRİNDƏ ABADLIQ İŞLƏRİNİN SÜRƏTLƏNDİRİLMƏSİ İLƏ ƏLAQƏDAR ƏLAVƏ TƏDBİRLƏR HAQQINDA
AZƏRBAYCAN RESPUBLİKASI PREZİDENTİNİN SƏRƏNCAMI
Sumqayıt şəhərinin 60 illik yubileyi münasibətilə aparılan genişmiqyaslı yenidənqurma, abadlıq və yaşıllaşdırma işlərinin sürətləndirilməsini təmin etmək məqsədi ilə qərara alıram:
1. Sumqayıt şəhərində aparılan genişmiqyaslı yenidənqurma, abadlıq və yaşıllaşdırma işlərinin sürətləndirilməsini təmin etmək məqsədi ilə Azərbaycan Respublikasının 2009-cu ilin dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Sumqayıt şəhər İcra Hakimiyyətinə 5,0 (beş) milyon manat məbləğində vəsait ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci bəndində nəzərdə tutulmuş vəsaitin maliyyələşdirilməsini müəyyən olunmuş qaydada həyata keçirsin.
İlham Əliyev
Azərbaycan Respublikasının Prezidenti
Bakı şəhəri, 1 oktyabr 2009-cu il.