SİYASƏT


Sankt-Peterburqda Azərbaycan xalqının ümummilli lideri Heydər Əliyevin xatirəsi anılıb

Moskva, 12 dekabr, AZƏRTAC

Rusiyanın Sankt-Peterburq şəhərində Azərbaycan xalqının ümummilli lideri Heydər Əliyevin xatirəsi anılıb.

AZƏRTAC xəbər verir ki, Azərbaycanın Rusiya Federasiyasının şimal paytaxtındakı baş konsulluğunun əməkdaşları dekabrın 12-də Qoroxovaya küçəsi, 6 ünvanında Azərbaycan xalqının ümummilli lideri Heydər Əliyevin barelyefinin qarşısına tər güllər düzüblər. 1949-1950-ci illərdə Heydər Əliyevin təhsil aldığı SSRİ Dövlət Təhlükəsizlik Nazirliyinin ali məktəbi o dövrdə bu binada yerləşirdi.

Xatırladaq ki, Azərbaycanın Sankt-Peterburqdakı baş konsulluğu hər il diasporla birgə ümummilli lider Heydər Əliyevin xatirəsini anma aksiyası keçirir. Tədbirlərdə siyasətçilər və şəhərin ictimai xadimləri iştirak edirlər. Bu il COVID-19 pandemiyası ilə əlaqədar məhdudiyyətlərə görə aksiyada yalnız konsulluq əməkdaşları iştirak ediblər.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.