DÜNYA


Son sutkada Qırğızıstanda koronavirusdan 14 nəfər ölüb

Bişkek, 31 iyul, АZƏRTAC

Son sutka ərzində Qırğızıstanda koronavirusa 662 nəfər yoluxub ki, bunun 221-i Bişkekin payına düşüb. Beləliklə, pandemiya dövründə virusdan xəstələnənlərin ümumi sayı 35 min 605 nəfərə çatıb.

AZƏRTAC xəbər verir ki, bunu Qırğızıstan Səhiyyə Nazirliyinin səlahiyyətli nümayəndəsi Aynura Akmatova Bişkekdə keçirdiyi brifinqdə söyləyib. O deyib ki, son sutkada virusdan 14, ümumiyyətlə isə 1378 xəstə dünyasını dəyişib.

Son 24 saat ərzində virusa 25, bütünlükdə isə 2768 tibb işçisi yoluxub.

Qeyd edək ki, ötən gecə 184 Qırğızıstan vətəndaşı Novosibirskdən ölkəyə gətirilib.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.