DÜNYA


Süni intellekt insan düşüncəsini oxumağa başlayıb

Bakı, 28 sentyabr, AZƏRTAC

Alimlər kompüterə insan beyninin siqnallarını izləməyə və vizual qavrayışı modelləşdirməyə imkan verən metodika yaradıblar. Bunun sayəsində süni intellekt indiyədək məlum olmayan informasiyanı nümayiş etdirməyi öyrənib.

AZƏRTAC xəbər verir ki, bu barədə “Scientific Reports” jurnalında dərc olunan məqalədə deyilir.

Bildirilir ki, yeni üsulun əvvəllər yaradılan “beyin-kompüter” interfeysinə əsaslanmasına baxmayaraq alimlər tərəfindən ikitərəfli əlaqə təmin olunub. Kompüter və insanın düşünmə orqanının qarşılıqlı fəaliyyəti zamanı birinci beyin tərəfindən ötürülən siqnalları oxuyaraq onları vizual modelə çevirir. Bunun sayəsində düşüncədə əmələ gələn informasiyanı qavrayış üçün başa düşülən şəkildə təqdim etmək imkanı yaradılır.

Həmçinin qeyd olunur ki, beyinin göndərdiyi siqnallar və onların vizual modelinin yaradılması kompüter tərəfindən eyni vaxtda həyata keçirilib.

Helsinki Universitetinin mütəxəssislərinin fikirlərini diqqətlə öyrənən ekspertlərin sözlərinə görə, indiyədək buna oxşar heç nə yaradılmayıb. Bu, həm beyin tərəfindən göndərilən siqnalların, həm də onların vizual modelinin yaradılmasının kompüter tərəfindən eyni vaxtda edilməsi ilə əlaqədardır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.