ELM VƏ TƏHSİL
TƏHSİL NAZİRLİYİNİN NÜMAYƏNDƏSİ KÜVEYTDƏ KEÇİRİLƏN BEYNƏLXALQ KONFRANSDA İŞTİRAK ETMİŞDİR
AZƏRTAC xəbər verir ki, Küveytdə bu ölkənin Dövlət Vəqflər Nazirliyi və İSESCO-nun təşkilatçılığı ilə “Biz və başqaları” mövzusunda beynəlxalq elmi-praktik konfrans keçirilmişdir.
Yaxın Şərq, Asiya və Avropa ölkələri alim və mütəxəssislərinin qatıldığı konfransdan məqsəd mədəniyyətlər və dinlərarası dialoqu elmi və obyektiv əsaslarda qurmaq, sivilizasiyaların dinc yanaşı yaşaması anlayışını müsəlman və qeyri-müsəlman cəmiyyətlərində təbliğ etmək, dinlərin və mədəniyyətlərin bəşəriyyətin inkşafına yönəlmiş prinsiplərini cəmiyyətə elmi əsaslarla çatdırmaq idi.
Tədbirdə Azərbaycanı Təhsil Nazirliyinin şöbə müdiri Mahir Əliyev təmsil etmişdir.