ELM VƏ TƏHSİL
TÜRKİYƏ RESPUBLİKASININ MİLLİ BAYRAMI - RESPUBLİKA GÜNÜNƏ HƏSR OLUNMUŞ TƏDBİR KEÇİRİLMİŞDİR
AZƏRTAC xəbər verir ki, Qafqaz Universitetində Türkiyənin milli bayramı - Respublika gününə həsr edilmiş təntənəli tədbir keçirilmişdir.
Azərbaycan və Türkiyə respublikalarının Dövlət himnləri səslənmişdir.
Universitetin rektoru Əhməd Sanic Türkiyə Cümhuriyyətinin yaranması və inkişaf yollarından danışmış, əlamətdar gün münasibətilə iştirakçıları təbrik etmişdir.
Türkiyənin Bakıdakı səfirliyinin müşaviri Səlahəddin Dikmən ölkələrimiz arasındakı mehriban qardaşlıq münasibətlərindən bəhs etmiş, xoş arzularını bildirmişdir.
Tədbirdə Mustafa Kamal Atatürkün Türkiyə Cümhuriyyətinin qurulmasında tarixi xidmətlərini əks etdirən videofilm göstərilmişdir.
Sonra tələbələrin ifasında Vətən, torpaq, sülh, dostluq haqqında şeirlər və mahnılar səslənmişdir.