DÜNYA


Tailand fil ixracına qoyulan qadağanı ləğv edib

Bakı, 10 may, AZƏRTAC

Tailandın ticarət nazirinin yeni qərarına əsasən, bundan sonra fillərin ölkədən ixracı yenidən mümkün olacaq.

AZƏRTAC “The Nation” qəzetinə istinadla xəbər verir ki, qərar bu addımın nəsli kəsilmək təhlükəsi qarşısında qalan vəhşi fauna və flora növləri ilə beynəlxalq ticarət üzrə konvensiyaya zidd olması barədə mübahisələri gücləndirə bilər.

Tailandın milli parklar, vəhşi təbiəti mühafizə və bitkilərin qorunması departamenti yeni qaydaların qaçaqmalçılar tərəfindən sui-istifadələrin qarşısını almaq üçün yetərincə sərt olacağında israr edir. Ticarət Nazirliyi nəzdində fəaliyyət göstərən xarici ticarət departamentinin nümayəndəsi Adula Çhotinisakor əhliləşdirilmiş fillərin və onlarla bağlı məhsulların ixracatını tənzimləyəcək yeni qaydaların bu il təsdiq olunacağını bildirib. Onun sözlərinə görə, fillər və onlarla bağlı məhsullar yalnız diplomatik və elmi məqsədlər, həmçinin akademik institutlar və muzeylərlə mübadilə üçün ixrac oluna bilər.

Milli parklar üzrə departamentin məlumatına əsasən, Tailand ərazisindəki yeddi meşədə təxminən 4 min vəhşi və əsasən turizm sahəsində istifadə edilən yüzlərlə əhliləşdirilmiş fil yaşayır. Son vaxtlar vəhşi fillərin sayı hər il 7 faiz çoxalır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.