DÜNYA


Tallinndən Vyana, Amsterdam, Oslo və Stokholm istiqamətində aviareyslərin yenidən bərpası gözlənilir

Tallinn, 1 oktyabr, AZƏRTAC

Tallinn hava limanı hökumətin bu günə qədər hava nəqliyyatına dair qüvvədə olan sərt məhdudiyyətlərinin əhəmiyyətli dərəcədə yumşaldılması barədə qərarını alqışlayır və tezliklə Amsterdam, Vyana, Oslo və Stokholm istiqamətində reyslərin yenidən bərpa olunacağına ümid edir.

AZƏRTAC xəbər verir ki, bu sözləri Tallinn hava limanının Ticarət işləri üzrə direktoru Eero Pyarqmyae deyib.

O bildirib ki, şirkət, eyni zamanda, Tallindən Moskva, Minsk, Kiyev və İstanbul istiqamətində həyata keçirilən uçuşlarla bağlı hələlik konkret məlumatlara sahib deyil.

“İnsanlar artıq rahat şəkildə bilet ala bilərlər. Əgər onlar iş və ya ailə məsələləri ilə bağlı harasa təcili yollanmalıdırlarsa, uçuşların baş tutacağına əmin ola bilərlər”, - deyə E.Pyarqmyae əlavə edib.

E.Pyarqmyae qaydaların gələcəkdə Avropa İttifaqına üzv olmayan ölkələr − Ukrayna, Rusiya, Belarus və Türkiyə ilə də hava əlaqəsinin bərpa etməyə imkan verəcəyinə ümidvar olduğunu ifadə edib.

Asiman Əsədov

AZƏRTAC-ın xüsusi müxbiri

Tallinn

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.