ELM VƏ TƏHSİL


Tarix Muzeyində rusiyalı fotoqrafın yaradıcılıq irsinə dair mühazirə dinlənilib

Bakı, 19 oktyabr, AZƏRTAC

Azərbaycan Milli Elmlər Akademiyasının Milli Azərbaycan Tarixi Muzeyində (MATM) “Rusiya imperiyasında rəngli fotoşəkillərin pioneri S.Prokudin-Qorskinin yaradıcılıq irsinin əhəmiyyəti” mövzusunda (rus dilində) mühazirə təşkil olunub.

Muzeydən AZƏRTAC-a bildiriblər ki, tədbir MATM, Rusiya İnformasiya və Mədəniyyət Mərkəzi tərəfindən müvafiq layihə çərçivəsində keçirilib.

Yazıçı və fotoqraf Rüstəm Hüseynov mühazirəsində rəngli foto çəkilişlərinin tarixi, fotoqraf S.Prokudin-Qorskinin (1863-1944) həyatı və onun Azərbaycanda – Bakıda, Muğanda çəkdiyi rəngli fotoşəkillərdə əks olunan bölgələrimiz haqqında ətraflı məlumat verib. Eyni zamanda, mövzu ilə bağlı slaydlar nümayiş etdirilib.

Qeyd edək ki, Azərbaycan tarixi, o cümlədən Bakı və Muğanın tarixi ilə maraqlananlar üçün S.Prokudin-Qorskinin mədəni irsi və çəkdiyi nadir fotoşəkillər çox əhəmiyyətlidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.