ELM VƏ TƏHSİL


Təhsil Nazirliyinin “Bir” Tələbə-Könüllü Proqramının Gəncədə təqdimatı olub

Bakı, 26 sentyabr, AZƏRTAC

Təhsil Nazirliyinin “Bir” Tələbə-Könüllü Proqramının Gəncə Dövlət Universiteti və Azərbaycan Texnologiya Universitetində təqdimatı keçirilib.

Nazirlikdən AZƏRTAC-a bildiriblər ki, tədbirdə tələbələrə www.konullu.edu.az saytında tətbiq olunan “Online sertifikat sistemi”barədə məlumat verilib. Qeyd olunub ki, “Bir” Tələbə-Könüllü Proqramı ölkəmizin inkişafında böyük rol oynayan tələbə-könüllülərlə işi sistemləşdirmək, müvafiq fəaliyyəti stimullaşdırmaq üçün yaradılan uzunmüddətli proqramdır.

Tədbirdə müxtəlif istiqamətlər üzrə fəaliyyət göstərən proqram çərçivəsində keçirilmiş təlimlər, seminarlar, komanda turları, festivallar, xeyriyyə aksiyaları barədə videoçarxlar nümayiş etdirilib.

Növbəti təqdimatlar Mingəçevir Dövlət Universitetində və Azərbaycan Dövlət Pedaqoji Universitetinin Şəki filialında keçiriləcək.

"Bir" Tələbə-Könüllü Proqramı tələbələrin karyera imkanları qazanmasında, dərsdənkənar asudə vaxtlarının dəyərləndirilməsində, vətəndaş məsuliyyətinin formalaşmasında mühüm rol oynayır. Hazırda 21 ali və 16 orta ixtisas təhsili müəssisəsini əhatə edən proqram 17 mindən çox könüllü bazasına malikdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.