DÜNYA


Texasda iki nəfəri güllələmiş iki şəxs axtarışdadır

Vaşinqton, 10 avqust, AZƏRTAC 

Hyuston şəhəri polisinin cümə günü verdiyi məlumata görə, Hyuston avtomagistralında qələbəlik zamanı iki nəfəri qətlə yetirməkdə şübhəli bilinən iki şəxsin axtarışı davam edir.

AZƏRTAC xəbər verir ki, Hyuston polisi şübhəli şəxslərin həbsinə kömək edə biləcək informasiya müqabilində 5000 dollara qədər mükafat təklif edir.

Hyuston polis idarəsi nümayəndələrinin sözlərinə görə, hadisə yerli vaxtla axşam saat 6 radələrində baş verib. Şübhəli şəxslərdən birinin avtomobili Hyustondakı I-10 avtomagistralında başqa bir avtomobillə toqquşub. Bundan sonra şübhəli şəxslərdən biri maşından çıxıb və yan tərəfdən vurulmuş o biri maşındakı adamlara atəş açıb. Cinayətkarlar hadisə yerindən qaçıb gizləniblər. Avtomobilin sərnişinləri – biri 25, digəri 33 yaşında olan iki kişi hadisə yerində keçinib. Polisin sözlərinə görə, onların maşınında narkotik maddələr aşkar edilib. Qətlin səbəbi hələlik məlum deyil.

 

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.