DÜNYA


Tokio yaxınlığında meteorit parçaları tapılıb

Tokio, 14 iyul, AZƏRTAC

İyulun əvvəllərində Yaponiyanın bir çox ərazilərindən səmada gecə vaxtı müşahidə edilmiş parıltıya səbəb olan meteoritin iki parçası Tokio yaxınlığında aşkar edilib.

AZƏRTAC Yaponiya KİV-lərinə istinadla xəbər verir ki, meteorit iyulun 2-də səhər saat 2:30 radələrində Yaponiyanın şərqində yerləşən Kanto regionunda müşahidə edilib.

Həmin vaxt Çiba prefekturasının Naraşino şəhərinin sakini səmada güclü partlayış səsi eşidib. Həmin şəxsin sonradan çoxmərtəbəli evin girişində yerləşən bağda iki daş parçası tapdığı da bildirilir. Bu şəxs həmin daşlar barədə yaxınlıqda yerləşən muzeyə xəbər verib.

Tokio Təbiət və Elm Muzeyinin əməkdaşları üzərində olan əlamətlərə görə bu daşların meteorit parçası olduğunu bildiriblər. Belə ki, həmin daşların üzərində ərintilər var. Bununla yanaşı, həmin daşlar radiasiya şüalarına malikdirlər ki, bu da onların kosmik mənşəli olduğunu təsdiq edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.