ELM VƏ TƏHSİL


Turizm və Menecment Universiteti “Erasmus+KA 2” layihəsi çərçivəsində keçirilən dəyirmi masada təmsil olunub

Bakı, 21 aprel, AZƏRTAC

Aprelin 21-də “Xəzər bölgəsinin inkişafında universitet-müəssisə əməkdaşlığını həyata keçirmək üçün istehsalat müəssisəsi pilot kursları, PICASP” Avropa Komissiyası tərəfindən maliyyələşdirilən “Erasmus+KA 2” layihəsi çərçivəsində tərəfdaş ölkə üzvü olan Qazaxıstan Beynəlxalq Biznes Universiteti tərəfindən “Mədəni irs turizmi sahəsində peşəkar səriştələrin inkişaf etdirilməsi üçün” mövzusunda dəyirmi masa keçirilib.

Bu barədə AZƏRTAC-a Azərbaycan Turizm və Menecment Universitetindən (ATMU) məlumat verilib. Bildirilib ki, görüşdə ATMU-nu Elm və innovasiya şöbəsinin elmi innovasiya bölməsinin rəhbəri Faina Qaçabəyova təmsil edib. O bildirib ki, ATMU konsorsiumun digər tərəfdaşları, o cümlədən Qazaxıstan, Rusiya, eləcə də Avropa İttifaqı ölkələri ilə birgə proqramların inkişafı və təlimlərin keçirilməsi, mövcud layihə üzrə qarşıya qoyulan məqsədlərə birgə nail olmağa hazırdır və bu kimi təşəbbüsləri daim dəstəkləyir.

Onlayn formatda təşkil olunan dəyirmi masanın əsas məqsədi turizm təhsili sahəsində Qazaxıstan turizm sənayesində gözləntilərin öyrənilməsi və layihə çərçivəsində maraqlı tərəflərin cəlb edilməsi üçün imkanların araşdırılmasıdır.

Tədbirdə Qazaxıstan turizm sənayesinin təmsilçiləri, həmçinin Xəzər Universitetinin Tədris və öyrənmə mərkəzinin direktoru Ülkər Bayramova, layihənin tərəfdaşları olan İtaliya, Litva, Qazaxıstan və Rusiya ali təhsil müəssisələrinin nümayəndələri fikir mübadiləsi aparıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.