İDMAN


Türkiyə Superliqası: “Fənərbağça” komandası öz meydanında “Akhisarspor”u məğlub edib

Bakı, 11 may, AZƏRTAC

Mayın 11-də futbol üzrə Türkiyə Superliqasının XXXII turunda “Fənərbağça” komandası öz meydanında “Akhisarspor”u qəbul edib.

AZƏRTAC xəbər verir ki, oyun İstanbul komandasının 2:1 hesablı qələbəsi ilə başa çatıb.

Matçda meydan sahiblərinin heyətində 28-ci dəqiqədə Roberto Soldado, 30-cu dəqiqədə Nabil Dirar fərqləniblər.

Qonaq komandanın heyətində isə Helder Barbosa 45-ci dəqiqədə topu rəqib qapıdan keçirib.

Beləliklə, bu qalibiyyətdən sonra xallarının sayını 40-a çatdıran İstanbul təmsilçisi Türkiyə çempionatında 10-cu sıraya yüksəlib. “Akhisarspor”un isə çempionatın yekunlaşmasına iki həftə qalmış superliqanı tərk edəcəyi dəqiqləşib.

Turun digər oyunu olan “Göztəpə” - “Sivasspor” matçında 3:3 hesablı heç-heçə qeydə alınıb.

Xatırladaq ki, hazırda “Qalatasaray” 66 xalla çempionatın vahid lideridir. Bir oyun az keçirən “Başakşəhər” 63 xalla ikinci yerdə, “Beşiktaş” isə 59 xalla üçüncü pillədədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.