DÜNYA


Türkiyədə koronavirusa yoluxma halı artmaqda davam edir

Ankara, 22 noyabr, AZƏRTAC

Türkiyədə yeni növ koronavirus (COVID-19) infeksiyası riskini azaltmaq üçün sərtləşdirilmiş tədbirlər davam edir. Noyabrın 21-də olduğu kimi bu gün də yerli vaxtla saat 20.00-dan etibarən bütün ölkə üzrə küçəyə çıxmaq qadağandır. Məhdudiyyət səhər saat 5.00-dək qüvvədədir.

AZƏRTAC qardaş ölkənin Səhiyyə Nazirliyinə istinadla xəbər verir ki, noyabrın 22-də Türkiyədə 155 min 516 nəfər testdən keçirilib. Onlardan 6 min 17-sinin nəticəsi müsbət çıxıb. Gün ərzində bu xəstəlikdən 139 nəfər ölüb, 3 min 812 nəfər isə sağalıb. İndiyədək 17 milyon 245 min 617 nəfər testdən keçib və 446 min 822 şəxsdə infeksiya aşkar olunub. Hazırda gündəlik yoluxma və ölüm halında sürətli artım müşahidə olunur.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.