CƏMİYYƏT


Türkiyədə müalicə olunan Vətən müharibəsi qaziləri ziyarət edilib

Bakı, 20 may, AZƏRTAC

Türkiyənin İstanbul şəhərində səfərdə olan Əmək və Əhalinin Sosial Müdafiəsi Nazirliyinin nümayəndə heyəti “YAŞAT” Fondunun dəstəyi ilə müalicə olunan Vətən müharibəsi qazilərini ziyarət ediblər.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, görüşdə döyüşlərdə yaralanaraq müalicə olunan hərbçilərimizə göstərdikləri şücaətlərə görə minnətdarlıq edilib.

Qazilərin sosial dəstəklə təminatı sahəsində aparılan işlərdən bəhs olunub, o cümlədən onların səmərəli reabilitasiya xidmətləri və vasitələri, son nəsil protezlərlə təmin edildikləri, məşğulluğunun təminatı sahəsində ardıcıl işlər aparıldığı diqqətə çatdırılıb.

Türkiyədə müalicə kursu başa çatan qazilərimizin də ölkəmizə qayıtdıqdan sonra onlarla bağlı reabilitasiya xidmətlərinin davam etdiriləcəyi, məşğulluqlarının təminatı, habelə onların digər istiqamətlərdə sosial dəstəklə əhatə olunması üçün müvafiq işlərin aparılacağı bildirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.