CƏMİYYƏT


Türkiyədə propofol tərkibli “Dormofol” dərman vasitəsi geri çağırılıb

Bakı, 14 yanvar, AZƏRTAC

Türkiyənin Sparta şəhər xəstəxanasında endoskopiya və kolonoskopiyadan keçən 8 xəstədən birinin anesteziya iynəsindən sonra həyatını itirməsi Türkiyə Səhiyyə Nazirliyində ciddi narahatlığa səbəb olub və ölkənin Dərman və Tibbi Cihaz Qurumu propofol tərkibli “Dormofol” 1 faizli intravenoz inyeksiya və “Dormofol” 2 faizli intravenoz inyeksiya dərman vasitəsini geri çağırıb. İlkin araşdırmalara görə, dərman vasitələrinin keyfiyyət problemi şübhə doğurur.

Azərbaycan Respublikası Səhiyyə Nazirliyindən AZƏRTAC-a verilən məlumata görə, həmin dərman vasitələri Azərbaycanda dövlət qeydiyyatına alınmayıb və ölkəmizə idxal olunmayıb. Nazirlikdən onu da bildiriblər ki, propofol tərkibli dərman vasitələrinin risk-fayda nisbəti müsbətdir və onların təhlükəsizliyinə Analitik Ekspertiza Mərkəzinin farmakonəzarət şöbəsi tərəfindən nəzarət edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.